Badira 100 urte baino gehiago EAEk Espainiako Estatuko industria-kontzentrazio handienetarikoa duela; ondorioz, Europako Ardatz Atlantikoko finantza-gune garrantzitsuenen artean dago. 2007an, Espaniako Estatuko osoaren %10,7 EAEn sortu zen, biztanle-kopuruaren (%4,7) eta hedadura geografikoaren (%1,5) arabera dagokiona baino askoz gehiago. [eraman gora]

Industria

Industria-ekoizpena dibertsifikatuta dago, baina metalgintzako jarduerak oso esanguratsuak diren arren (makina-erreminta eta altzairugintza), BPGn toki garrantzitsua duten bestelako sektoreak ere badaude: kimika, petrokimika, eta findegiak. Teknologia berriak eta I + G-ko jarduerak garrantzi handia hartzen ari dira, teknologia-parkeak bezalaxe. EAEko enpresek kapital-eta kontsumo -ondasunak nahiz bitarteko produktuak ekoizten dituzte, eta industria-egitura dibertsifikatu horri esker EAEko ekonomiak Espainiako batez bestekoak baino aberastasun erlatibo handiagoa sortzen du eta langile bakoitzeko hazkunde-tasa handiagoa du.

Bestalde, EAEko enplegua %30 baino gehiago hazi da azken hamar urteotan, eta langabezia-tasa asko murriztu da: 1995ean, %21,7 zen, eta 2006an, aldiz, %4,1. Espainiako Estatuko batez bestekoa, berriz, 1995eko %18,4tik 2006ko %8,5era jaitsi da. Horrela, EAEk izan du, Madrilekin eta Kataluniarekin batera, Europako enplegu-sorkuntzarik handiena, 1995-2005 bitartean.

EAEko biztanleak atseginak, adeitsuak eta langileak dira, eta ezagunak dira betidanik teknologia berriak eta ekoizpen-sistema berritzaileak barneratzeko erraztasunengatik, bai eta ekimenerako duten senagatik ere. Enpresa txiki eta ertainek laguntzarako industria plurala bezain dinamikoa osatzen dute, eta konpromiso sendoa daukate kalitatearekin: 2007an, ISO 9000 arauak erreferentziatzat harturik, EAEko enpresek Aenor-ek Estatu osoan emandako ziurtagirien %10,7 jaso zituzten. Gaur egun, 5.500etik gora enpresak eta erakundek dauzkate ISO 9000 eta 14.001 agiriak, eta 14 EFQM sari jaso dituzte EAEko enpresek. Enpresa handiagoentzako azpi-produktuak egiten dituzten enpresa txiki horietako batzuk beren sektoreko enpresa garrantzitsuenak dira, eta enpresa txiki horiek osatzen duten sarea da EAE inbertitzeko leku aproposa bihurtzen duten alderdi erakargarrienetakoa. [eraman gora]

Merkataritza eta Turismoa

Batik bat industrian errotutako ekonomia izan arren, beste sektore batzuek garapen handia izan dute azken urteotan. Horixe da merkataritzaren kasua, garrantzia handikoa baitugu. Turismoak ere gero eta pisu handiagoa du EAEko ekonomian. EAE helburutzat duten joan etorriak oso positiboak dira gaur egun ere, eta 2007 urtea EAEko turismoak historian izandako urte onena izan da.[eraman gora]