Kontratazio-Formulak

Ekonomia moderno bati dagokion legez, EAEk formula ugari ditu bai kontratatzeko bai laguntzak emateko, aukeratutako modalitatearen arabera. Ondorengo lerroetako eskemen bidez, aurretiko ezagutza eman nahi dugu. Kontratuetarako laguntza publikoei buruzko informazioa eskuratzeko hona jo:: info@spri.es. [eraman gora]

Bitartekaritza-Enpresak

Eusko Jaurlaritzak hainbat zerbitzu dauzka langileen kontratazioa bideratzeko.

• Egailan, S.A.: ( Prestakuntza eta Enplegua Sustatzeko Akziokako Baltzu Publikoa Sozietate Publikoa) enplegu eta prestakuntza arloko politika aktiboak kudeatzeaz arduratzen da, haiek hobeto zabaldu, gauzatu eta ebaluatzeko.

• Langai: Eusko Jaurlaritzak abian jarritako emplegu-zerbitzua da, eta Egailan arduratzen da hura kudeatzeaz. Zerbitzu hau lanpostuak bete nahi dituzten enpresei eta lan bila dabiltzanei zuzentzen zaie.
  
  
• Lanbide.net: Egailan-ek kudeatzen duen interneteko atari horrek zerbitzu hauek eskaintzen ditu: auto-enplegua, lanerako eskari eta eskaintzak, lan-aholkularitza, estatistikak, prestakuntza (ikastaroak, bekak, masterrak...).
  
  
• Hobetuz: etengabeko lanerako prestakuntza ematen duen erakundea da. Enpresa txiki eta ertainekin jarduten du, gehienbat, eta etengabeko prestakuntza bultzatzen du. Etengabeko prestakuntza kudeatzeaz eta zuzentzeaz arduratzen da, eta enpresa, langile nahiz ikastetxeen artean etengabeko prestakuntzaren inguruko interesa sustatzen du, halaber, jarduera horrek ahalik eta hedapen zein eraginkortasun handiena lortzeko beharrezkoak diren baldintzak ezarriz. Aipatutako eragileez gain, aldi baterako lanerako enpresak dauzkagu, hala nola: Adecco, Alta Gestión, Brok. Tel, B&T Asociados, Denbolan, Ercisa, Flexiplan, Manpower, Laborman, Lan Egin, People, Randstad, Vedior, etab. [eraman gora]

Sindikatuen Ordezkaritza

Sindikatu ugari daude EAEn, batzuk sektore guztietan jarduten dute, eta beste batzuk, berriz, jarduera gutxi batzuetan.

• ELA: Hego Euskal Herriko esparru ekonomiko guztietan jarduten du.
  
  
• LAB: Euskal Herriko esparru ekonomiko guztietan egiten du lan.

• CCOO eta UGT: Espainiako Estatuan indar handiena duten bi sindikatuak dira, eta Hego Euskal Herriko ekonomiako sektore guztietan dituzte ordezkariak. Horiez gain, badira arlo zehatzetan diharduten beste sindikatu batzuk: EHNE, nekazariena; SATSE, erizaintzakoa; EILAS, irakaskuntzan; ERNE, Ertzaintzan, etab.

Lan Harremanen Kontseilua, ugazaben eta sindikatu handienen ordezkariak biltzen dituen erakundea da. Horien arteko topaketa-organoa den heinean, bien arteko hitzarmen orokorrak eta negoziazio kolektibo zehatzak bideratzen ditu. Horrekin batera, lan-munduko gaiei buruzko proposamen bateratuak zuzentzen dizkio Eusko Jaurlaritzari. [eraman gora]